Bio Save како лидер од регионот на конгресот кој го менува светот

По две години виртуелни состаноци, овогодинешниот конгрес повторно се одржа во Мајами од 9ти до 11-ти септември и ги вклучи најновите достигнувања во технологијата и терапиите со матични клетки, техничка овука и едукација, работилници, интерактивни панел дискусии, како и социјални настани.

Она што е особено важно да се истакне е дека Bio Save Group (Србија, Црна Гора, Македонија, Босна и Херцеговина) и Bio Save фондацијата повторно се единствените организации од регионот присутни на најголемиот светски меѓународен конгрес за матични клетки. За време на конгресот медицинскиот тим во состав: д-р Кристијан Мартин – Медицински директор на Bio Save фондацијата, Дијана Сејдиновиќ, дипл. Генетика и биоинженеринг – Медицински директор на Bio Save Босна и Херцеговина, како и д-р Антони Ангеловски – Медицински директор на Bio Save Македонија, имаже можност да размени искуства и да разговара со проф. Д-р Џоана Курцберг, претседател на CBA (Cord Blood Association), раководител на истражувачкиот тим на Универзитетот Дјук, организатор на Cord Blood Connect и што е најважно – педијатриски хематолог/ трансплантолог и врвен експерт за терапии со матични клетки за деца со церебрална парализа, аутиза, и генетски терапии за спинална мускулна атрофија.

Уште еден од разговорите беше и средбата со д-р Елиан Глукман- претседател на EuroCord, кој со д-р Џоан Курцберг беше член на тимот на првата терапија со матични клетки од папочна крв пред 35 години, д-р Филипо Милано- хематолог, истражувач во Центарот за нега на рак во Seattle Cancer Care Alliance, д-р Магдалена Хрошцинска-Кравич, детски невролог од Лублин, како и многу други учесници на состанокот.

За време на Конгресот беа дадени одговори на важни прашања како што се: предностите на трансплантацијата на крв од папочна врвка во однос на други извори, квалитетот на животот и долгорочните придобивки на пациентите по трансплантацијата, нови перспективи за проширување (множење) на матичните клетки од крв од папочна врвка, претклинички истражувања, терапевтски пристапи кон мултиплекс склероза, новини во примената на матични клетки кај деца со церебрална парализа и аутизам, но и во случаи на одредени срцеви заболувања - резултатите од првото истражување за терапии кај луѓето. Кога станува збор за индустриско-техничкиот дел, фокусот беше ставен на теми како што се: практични предизвици при трансплантација на крв од папочна врвка, производство на нови лекови и имунотерапевтски средства од различни клетки содржани во крвта од папочната врвка, безбедност на банките на матични клетки и трансплантација во време на кризи (природни катастрофи, војна и други катастрофи предизвикани од човекот).

Најинтересни се секогаш средбите со луѓе кои биле третирани со матични клетки и кои се благодарни што имале таква можност. Секако, незаменлив учесник на CordBlood Connect беше и Метју Фароу, кој боледувал од леукемија пред 35 години, а кој се лекувал и излекувал со матични клетки од папочната врвка. За неговата терапија биле користени матични клетки кои биле земени при раѓањето на сопствената сестра Теодора (што значи „Божји дар“).